22/11/2013
問: 同性戀係個人喜好,就好似食水果,有人鐘意蘋果,有人鐘意橙,有人兩樣都鍾意,有人唔食一樣,都係個人既選擇。
答: 同性戀係個人喜好,所以,如果有兩個同性戀者,立下山盟海誓,並為愛加上一個期限:一萬年,在香港沒有甚麼可以阻止他們這樣做,這是他們的個人自由和個人喜好。但如果同運人士要求同性婚姻,就好比政府立法,人人必須每天食榴槤一樣。讓我們分清楚:同性戀關係可以是個人喜好,同性婚姻是社會制度。
問: 同性戀者與同志的分別?
答: 同性戀者就係有同性性傾向,甚至同性戀關係既人。同志就是支持同性戀運動既LGBTQQIAA和性小眾,直同志就係支持同運既異性戀者。佢地最大既分別就係對同運既睇法同態度。簡單來說,同運有3個重點:
- 同性戀的全面正常化──當醫學、遺傳學......各個專業範疇都未能夠證實同性性傾向係先天,同運就肯定地話你知同性性傾向係天生。
- 撲滅所有反對的聲音── 咪話咗係天生囉,仲反對?反對既人都係危言聳聽,絕對不能姑息,所以一定要立法箝制呢班「無知而恐怖的恐同者」。
- 顛覆婚姻、家庭、性別──「一男一女,一生一世?」 家陣咩年代?「生仔no way,墮胎有理!」最緊要身體自主!「想有個仔?搵人捐精捐卵咪得,唔係我親生有咩所謂?」總之我有我選擇!「係男係女定係X」,全部都係我的選擇,關你咩事。呢個世代係講自由,講「你要尊重我」既時代。
關注範疇:
同性戀